प्रधानमन्त्री केपी शर्मा ओलीले प्रादेशिक राजधानीसँग सडक सञ्जालले नजोडिएका स्थानीय तहको केन्द्रसम्म पुग्ने २ सय १० सडक निर्माणको शुभारम्भ गरेका छन् ।
संघीय मामिला तथा स्थानीय विकास मन्त्रालयको आयोजना गरेको कार्यक्रममा प्रादेशिक तथा स्थानीय सडक तथा सुधार कार्यक्रमको आइतवार काठमाडौंबाट शुभारम्भ गर्दै ओलीले आज एउटा नयाँ उचाइको काम भएको बताए ।
अभियान शुभारम्भ गर्दै प्रधानमन्त्री ओलीले फेरि नयाँ उचाइको काम शुरु गरेका छौं, हाम्रो लागि एउटा गौरवको अभियान हो । उनले यो कार्यक्रममा अन्य स्थानीय तह पनि जोडिने बताए ।
प्रधानमन्त्री ओलीले सडकको किनारबाट गाडी नखसोस् भन्नका लागि डिफेन्स वालसहितको बाटो बनाउन निर्देशन दिए ।
‘अब बन्ने सडकहरू असुरक्षित हुनु हुँदैन, चाहे स्थानीय तहले, प्रदेशले जहाँबाट निर्माण भएपनि राष्ट्रिय र अन्तराष्ट्रिय अनुभवलाई लिएर बाटो बनाउनु पर्यो र बाटो आफै सुरक्षित हुनुपर्यो’ ओलीले भने ।
तीन वर्षमा देख्दा सामान्य लाग्ने तर उथलपुथल हुने कार्यक्रम भइरहेको प्रधानमन्त्रीले दावी गरे ।
