हतुवागढी गाउँपालिकाको अध्यक्षमा नेकपा एमालेका प्रेमकुमार राई विजयी भएका छन् । उनले सत्ता गठबन्धनबाट उम्मेदवार बनेका नेपाली कांग्रेसका गजेन्द्र कार्कीलाई ६८९ मतले हराउँदै अध्यक्षमा निर्वाचित भएका हुन् ।
दोस्रो कार्यकालका लागि निर्वाचित बनेका राईले ४ हजार ४० मत ल्याएका थिए । उनका निकटत्तम प्रतिद्धन्द्वी कार्कीले ३ हजार ३ सय ५३ मत ल्याएका थिए ।
त्यस्तै गाउँपालिकाको उपाध्यक्ष पदमा भने गठबन्धनको तर्फबाट माओवादी केन्द्रकी सुनिता किराँती विजयी भएकी छन् ।
उनले ३ हजार ७ सय ७ मत ल्याएकी छन् भने उनका प्रतिद्धन्दी नेकपा एमालेकी कमला राईले ३ हजार ६ सय ११ मत ल्याएकी थिईन् ।
९ वडा रहेको उक्त गाउँपालिकाको वडा नं १, २, ३, ४, ५, ६ र ९ एमाले र वडा नं ७ र ८ मा नेपाली कांग्रेसले जितेको छ ।
