पर्साको जगरनाथपुर गाउँपालिका अध्यक्षमा कांग्रेसका श्रीकान्त यादव निर्वाचित भएका छन् । यादवले निकटतम प्रतिद्वन्द्वी एमालेका उम्मेदवार महमद सलिम मंसुरलाई १ हजार ८ सय २३ मतान्तरले पराजित गरेका हुन् ।
पर्सा कांग्रेस क्षेत्र नम्बर ४ को सभापतिसमेत रहेका यादवले ५ हजार ७ सय ४९ मत ल्याएका छन् भने मंसुरले ३ हजार ९ सय २६ मत पाएका छन् । जनता समाजवादी पार्टीका कृष्णमोहन यादवले ३ हजार ४ सय ४७ मत ल्याएर तेस्रो भएका छन् ।
यसैगरी गाउँपालिका उपाध्यक्षमा कांग्रेसकै बबिता सिंह निर्वाचित भएकी छन् । सिंहले निकटतम प्रतिद्वन्द्वी एमालेकी मिरादेवी कुर्मीलाई २ हजार १ सय ८६ मतान्तरले पराजित गरेकी छन् । सिंहले ५ हजार ५३१ मत ल्याएकी छन् भने कुर्मीले ३ हजार ३ सय ४५ मत प्राप्त गरेकी छन् ।
